今日睇咗你寫5 1之后我哋又返廣州嗰3日兩夜遊嘅日誌.
雖然你有話無聊,不過都有話開心,所以我都好開心.
成日都話我哋少回憶,其實聽到你咁諗我都幾無奈同失落.因為我覺得有好多回憶...
每次見你,每個細節我都會記實,記到實,擔心遺留任何一個細節.
所以我有好多回憶,但係你就覺得少.
咁係你嘅損失定係我傻?
離離合合都10個月了,10個月,仔都生得出了.識得我哋嘅人會唔會都幾surprise呢?

好多開始嗰陣覺得你難以接受嘅嘢,我都已經習慣.
多謝你,俾我睇清楚個世界.但係太清楚了,其實我唔想咁了解.
安全感...我俾唔到你?係你唔信我姐.
我根本都無做D咩,但係你唔同喔,有前科,又成日講D咁嘅嘢,又成日想識女仔,我點安心先?
我唔想再聽到有個神字嗰個人同你D嘢,或者你對佢依家點點點,
老實講,我聽到真係好難受.
你又會話你只係想同我分享下,但係我唔想,我好驚依個名.
返到韶關就會諗起佢,咁你諗起佢嘅時間一定多過諗起我嘅時間...
仲有兩年就畢業了,希望到時你可以放低佢.無論以后我哋咩關繫.
其實又唔應該對你要求咁多,因為我都唔可以話放低一個人就放低,不過我都無成日拿佢出黎講吖.
換咗以前,我一定覺得自己無可能會同你咁嘅人一齊,
又唔就我,又殘忍,又唔聽教聽話,仲成日令我咁傷心,
但係...又真係開心過...
不過真係好煩你咁失憶,乜都唔記得,我同你真係咁少回憶咩?!
唔係話日日黐住先多回憶架,貴精不貴多吖嘛!(你肯定話有幾精啊咁啦...)
唔知會同你跟住落黎點,今日唔知聽日事...係唔係好刺激呢?但係我想溫和D...
心力交瘁啦...
好快就暑假,唔知可唔可以順利度過...
我們都會幸福吧...(<最近>)

*<最近>好好聽,個MV都好正!!不過小鬼要去服兵役啦...好不容易彩起步...

*尋日係小新生日啊~我哋一齊週圍食嘢~同小新一齊好開心,咩煩惱都無曬!

*順便爆埋,依D就係我每日make up嘅秒殺工具!wahahaha~

最近考試,溫習溫到傻,我依家仲喺度偸懶,好有罪惡感...
我都係去溫習先...さよなら！がんばで！