其實有一樣嘢,我每次諗起都好后悔,
覺得好對唔住佢,
佢為我做咗咁多,我居然都無報答佢.
依家仲要拱手讓俾人...
雖然我未必會俾到幸福佢,
起碼我哋可以一齊,只要可以一齊,其他嘢有咩所謂...兩年嘅感情,點可能話放低就放低?
唔知你依家點呢?
同其他人相處成點?
但係我知道一定唔會有人再好似我咁緊你...
因為我俾你嘅烙印唔會磨滅,個個都會知你係屬于Tracy嘅.
當初我就係驚有人搶走你先咁做,
點知依家可能成為你投入新感情嘅障礙...
你陪我訓咗幾多次?特別係高三嘅飯后...
曾經我哋有過美麗嘅合照,
但係都怪我粗心大意,delete咗...
諗住長路漫漫,總會有機會,
點知錯過就無了,
都怪我嘅唔珍惜...
亦都因為發生太多事,所以我忘記咗最后同你嘅合照,
一別,已經成為永遠...
我連望下張想懷缅你都無機會...
真係悔不當初...
記得當年高二升高三,
我仲特地將你搬上兩層樓...
今日睇<求婚大作戰>,發現小日本仔佢哋D學生用嘅課桌同我哋居然係一樣嘅!
于是觸境傷情...
你黃色嘅表面,結實嘅支架,好令我心痠...
唔知你有無因為破相俾人遺棄呢?
早知我畢業就偸帶你返屋企.
好后悔...
新主人對你好唔好啊?
你真係好可愛...
好中意趴喺你度...寫字,訓覺,發偶豆...
你充滿內涵嘅櫃桶,好想再將雜誌漫畫塞入去...
如果再有機會,我一定帶你遠走高飛...
可惜,無如果...
[1]
